Jostedalen vinterstid er ei uoppdaga perle! Det er mykje vinter; veldig snøsikkert (Jostedalsbreen skulle vere teikn på det!) og ofte tørt, kaldt innlandsklima.
Det vert køyrt opp skiløyper både fram Stordalen og fram mot Nigardsbreen gjennom vinteren. Ved skulen er det òg ei lita lysløype. Det største ski-anlegget i området er Sogn Skisenter, kring 40 minuttars køyring frå hyttefeltet. Her er det både skitrekk og lengre prepparerte skiløyper.

Søkjer ein meir spenning er det mykje å velje i dalen, òg ein del som ingen har prøvd på ennå, men meir kjent i brattkøyrings samanheng er nok Hurrungane. Dette alpine fjell- og klatreområdet vest i Jotunheimen, ligg berre ein times køyring frå hyttefeltet og kan fint nyttast til dagsturar. Her vert det blant anna arrangert TinderittetTinderittet kvart år i fyrste helga i mai.

Området har òg gode moglegheiter for isklatring. Sesongen varer normalt frå desember til april og ein finn alle graderingar. I Jostedalen finn ein òg eit firma som driv med opplæring og guiding vinterstid, Fimbul Jostedal. Dei tilbyr blant anna isklatre- og skredkurs og kan bli med på tur.
Vinteren i Jostedalen er god restitusjon. Når mørket kjem og ein har fått god fyr i peisen, kjem roen. Enten ein tek seg ein tur ute i måneskinet